<?xml version="1.0" encoding="UTF-8"?><song><author>I.D. Sankey</author>
<lyrics>[V1]
 Miorena mafy tsara
 Amin'Ilay Vatosoa,
 Mandrosoa, mifahara,
 Mifikira mafy koa,
 He ! ny Tompo manambara
 Fa ho sambatra tokoa,
 Ka ho tsara miafara
 Ny mpanompo mahasoa.

[V2]
 Raha misy fahoriana
 Izay midona aminao,
 Raiso re ho fitahiana
 Izay omen'ny Tomponao ;
 Fa ny lalam-pijaliana
 Izay alehanao izao
 Dia mamelom-paniriana
 Hitomboan'ny herinao.

[V3]
 Miadia ny ady tsara,
 Ho mpandresy hianao ;
 Tontosay izay anjara
 Eo am-pelatananao ;
 Jeso Tompo no mijery
 Sy mahita ny atao,
 Koa dia tsy mba hisy very
 Izay rehetra vitanao.

[V4]
 Ry Jesosy ! hatanjaho
 Ity mpanolo-tenanao,
 Miangavy, mitalaho,
 Ka iteneno, Tompo ô !
 Aoka re ho tena taho
 Izay mikambana aminao.
 Ka ny foko halalaho,
 Diovy ho Tempolinao.</lyrics>
<title>Miorena mafy tsara FFPM295</title>
<hymn_number>295</hymn_number>
</song>